Високиот ирански безбедносен функционер Али Лариџани ги обвини САД и Израел за поттикнување протести во Иран, откако американскиот претседател Доналд Трамп го предупреди Техеран дека ќе интервенира доколку бидат нападнати мирни демонстранти.
Лариџани, кој е и поранешен претседател на иранскиот парламент и секретар на Врховниот совет за национална безбедност, како и висок советник на врховниот лидер на Иран Али Хамнеи, на платформата X изјави дека Израел и САД ги поттикнуваат демонстрациите, објави АП.
– Трамп треба да знае дека интервенцијата на САД во решавањето на локален проблем предизвикува хаос во регионот и ги уништува американските интереси, рече Лариџани, додавајќи дека „американскиот народ треба да знае дека Трамп започнал авантура“ и треба да се грижи за американските војници.