Силите на сириските Курди, кои се борат со борците на радикалната исламистичка групација Исламска држава, контролираат 90 проценти од територијата на сирискиот град Кобане, соопшти Централната команда на Вооружените сили на САД.
Командата, која им помага на курдските сили со воздушни напади во регионот, ја поздрави „храброста на курдските борци“ и им се заблагодари за нивните напори.
Во соопштението се наведува дека противниците на ИД неуморно се борат против нејзините припадници, со што ги попречува во остварувањето на нивните стратешки цели.