Австрискиот канцелар, Себастијан Курц повика на продлабочување на соработката во полето на безбедноста, надворешната политика и одбраната помеѓу земјите-членки во ЕУ.
– Владата на Австрија е проевропска, но смета дека се потребни промени и обновување во Унијата. Имаме потреба од ЕУ, која ќе биде фокусирана повеќе на големите прашања, наместо да се меша во малите, каде нациите и регионите самостојно можат да донесат подобри одлуки, додаде тој.
Австрија во јули го презема претседателството со Советот на ЕУ, а според Курц приоритети ќе бидат безбедноста и граничната контрола, дигиталзиацијата и супсидијарноста.
– ЕУ во последниве години немаше фокус. Во исто време се занимававме со премногу прашања, но не можевме да најдеме заеднички одговор на оној за миграцијата. Потребна е подлабока соработка во безбедноста, надворешната политика и одбраната, како и за економската политика, порача Курц.