Русија не гледа ништо ново во коментарите на лидерите на Групата седум најразвиени држави, кои заземаат непопустлива позиција кон неа во однос на прашањето за санкциите и нагласи дека меѓу земјите-членки има несогласувања.
Британскиот премир Дејвид Камерон и претседателот на Европскиот совет Доналд Туск изјавија дека се надеваат дека земјите од Г-7, чии лидери ќе се состанат во Германија ќе претстават единствен фронт на санкции против Русија поради кризата во Украина.
– Да, ние сме запознаени со последните изјави за санкциите. Тоа не се нови тези, изјави портпаролот на Кремљ, Дмитриј Песков.
– Освен тоа забележавме дека учесниците на таа средба сепак немаат идентични ставови за ова прашање. Некои говорат за неопходноста од дијалог со Русија и за невозможноста за решавање на сериозни проблеми без тој дијалог. Ќе продолжиме внимателно да ја следиме ситуацијата, додаде тој.