По смртта на кралицата Елизабета, лекарите го анализирале нејзиното последно појавување во јавноста, тврдејќи дека дури и на церемонијата на именувањето на Лиз Трас било забележано дека кралицата нема да издржи уште многу.
Д-р Деб Коен-Џонс, која живее во Перт, Западна Австралија, рече дека фотографиите од рацете на кралицата Елизабета Втора додека позирала покрај новата британска премиерка Лиз Трас во замокот Балморал во Шкотска во вторникот се знак за опаѓање на здравјето. Лекарот укажа на изнемоштениот изглед на кралицата на последното кралско назначување како знак дека таа ќе умре за неколку дена.
„Се чини дека постојат докази за периферна васкуларна болест. Тоа е нарушување на циркулацијата на крвта што предизвикува стеснување, блокирање или грчеви на крвните садови надвор од срцето и мозокот“, изјави таа за FEMAIL.
„Тоа обично резултира со срцева слабост. Ако вашата периферна циркулација е толку лоша, органите не добиваат добро снабдување со крв. Тоа може да биде знак за откажување на повеќе органи“, рече таа.
Периферната васкуларна болест е бавно и прогресивно нарушување на циркулацијата.
Стеснување, блокирање или грчеви во крвните садови може да предизвикаат периферна болест, која може да влијае на кој било крвен сад надвор од срцето, вклучувајќи артерии, вени или лимфни садови. Органите што ги снабдуваат овие садови, како што се мозокот и нозете, можеби нема да добијат доволно проток на крв за да функционираат правилно. Сепак, најчесто се засегнати нозете и стапалата. Периферната васкуларна болест се нарекува и периферна артериска болест.
За жал, д-р Деб потврди дека кралицата Елизабета Втора „ќе има многу болки“ доколку хронично боледува од оваа болест. Не постои начин со сигурност да се знае колку долго кралицата го имала здравствениот проблем, бидејќи не била видена во јавноста некое време и често носела ракавици.