Американскиот производител на микропроцесори „Интел“ соопшти дека ја прекинува работата во Русија, приклучувајќи се на големиот број компании што ја напуштија државата по инвазијата врз Украина.
Компанијата што минатиот месец ги запре испораките за клиентите во Русија и Белорусија, соопшти дека имплементирала мерки за минимизирање на нарушувањето на нејзиниот глобален бизнис.
„Интел и се придружува на глобалната заедница во осудата на руската војна против Украина и кон повиците за брзо враќање на мирот“, соопшти компанијата.
И „Ај-Би-Ем“ ги прекина испораките откако Украина ги повика американските производители на софтвер да го прекинат бизнисот со Русија.
Компаниите и владините агенции во Русија воглавно се потпираа на технологијата развиена на Запад, која беше основа на нејзините ИТ системи.
Извор: МИА