Колумбискиот претседател Хуан Мануел Сантос објави прекин на двегодишните мировни преговори со бунтовничката група Револуционерни вооружени сили на Колумбија (ФАРК), по вчерашното киднапирање на генерал од армијата.
Генералот Рубен Дарио Алсате, кој е командант на специјалните единици Титан во тихоокеанскиот департмент Чоко, е киднапиран вчера попладне во западен реон, кој е под контрола на бунтовниците. Тој е киднапиран заедно со уште еден војник и еден цивил.