Колумбиската полиција заплени повеќе од 12 тони кокаин, што е рекордна заплена во земјата, која е најголем извозник на оваа дрога во светот.
– Во изминатите 40 години, колку што трае нашата борба против шверцот на дрога, не сме заплениле толку големо количество кокаин. Со оваа заплена, вкупното количество за 2017 година се искачи на 362 тони, што е повеќе од 2016 година, кога запленивме 317 тони, изјави колумбискиот претседател Хуан Мануел Сантос, на прес-конференција на која беше претставен запленетиот кокаин.