Колумбискиот министер за одбрана Педро Санчез денеска соопшти дека се ослободени 29 припадници на безбедносните сили кои неодамна беа киднапирани во југозападниот регион на земјата.
Дваесет и осум полицајци и еден војник беа киднапирани за време на насилен напад во регионот Ел Платеадо во четвртокот.
Санчез и се заблагодари на локалната заедница која дејствуваше како посредник и се залагаше за ослободување на киднапираните, пренесува АП.