Градоначалникот на Киев Виталиј Кличко денеска изјави дека плановите на руските окупатори да го заземат Киев никогаш нема да се остварат.
Кличко изјавата ја даде за Current Time, платформа создадена од Радио Слободна Европа, заедно со Гласот на Америка.
-Денеска можам јасно да кажам: плановите на Русите да го заземат Киев не се реализираат. Тие никогаш нема и да бидат реализирани! Дури и ако успеат да добијат контрола над некои згради, тие нема да го освојат нашиот народ. Киев не се само зградите, пред сè, се работи за луѓето, рече тој.
Според него, напаѓачите се обидуваат да посеат паника во градот, но ефектот се покажува спротивен.
-Луѓето се лути и полни со омраза и бараат одмазда, рече Кличко.
Укринформ, претходно објави дека утринава била гранатиран и делумно урнат 12-катен станбен блок во киевскиот кварт Шевченкивски. Според првичните информации, во нападот се повредени две лица.
Извор: МИА