Лидерот на Украинската демократска алијанса за реформи (УДАР), Виталиј Кличко денеска на средбата со американскиот потпретседател Џо Бајден побара САД да воведат нови посилни санкции кон Русија.
– Западот мора веднаш да воведе жестоки санкции против Русија. Тие мора да ги опфатат сите сектори на економијата и вистински да заболат, истакна Кличко.
Лидерот на УДАР исто така изјави дека неговата партија ја поддржува антитерористичката операција во источниот дел на Украина и додаде дека за земјата е мошне важна воената и воено-техничката помош на САД.