Унгарската влада ќе ги блокира сите одлуки на Европската Унија насочени кон ескалација на вооружениот конфликт во Украина и вклучување на европските земји во него, изјави унгарскиот министер за надворешни работи Петер Сијарто.
„Доколку Брисел нè турне кон војна, ќе го искористиме нашето право на вето врз неговите одлуки, дури и ако мора да дејствуваме сами против сите 26 други земји од ЕУ“, изјави унгарскиот министер за надворешни работи на митинг во Ѓер, во северозападниот дел од земјата.
„Не можеме да дозволиме Унгарија и Унгарците да влезат во војна. Мора да ги заштитиме Унгарија и унгарските граѓани од тоа“, нагласи тој.