Кина е сериозно загрижена од тврдењата на поранешниот консултант на Агенцијата за национална безбедност на САД, Едвард Сноуден дека се предмет на кибернапади од страна на Вашингтон.
Според Сноуден, САД упаѓале во компјутери на кинески фирми за мобилни телефони и на Универзитетот во Пекинг.
– Тоа е нов случај кој докажува дека Кина е жртва на кибернапади, изјави портпаролката на кинеското МНР, Хуа Чунин.
Сноуден пристигна вчера во Москва со лет од Хонгконг и побара азил во Еквадор.
Американските власти изразија незадоволство дека властите во Хонгконг не исполниле нивно барање да го уапсат Сноуден. САД подигнаа обвинение против својот сограѓанин кој откри нивна програма за шпионажа преку интернет и бараат тој да биде екстрадиран.