Кинеските туристи се се побројни ширум светот, а минатата година потрошиле најмногу пари на патувања во странство, оставајќи ги зад себе Германците и Американците.
Бројот на кинеските туристи во странство лани надминал 83 милиони, што е драстичен пораст во однос на 2000 година, кога оваа бројка изнесувала 10 милиони, соопшти Светската туристичка организација.
Кинеските туристи минатата година потрошиле 102 милијарди долари во странство, што е 41 отсто повеќе отколку една година претходно.
Второто место по потрошувачка го делат аериканските и германските туристи со потрошени по 84 милијарди долари.
Европејците лани поради актуелната криза помалку патувале и трошеле во странство.