Кинескиот државен медиуми Јикаи (Yicai) јави дека условите за земјата да го ублажи своето управување со Ковид-19, како сериозна заразна болест, се подобруваат бидејќи коронавирусот слабее.
Од јануари 2020 година, Кина го класифицира Ковид-19 како заразна болест од категоријата Б, но ја управуваше според протоколите од категоријата А, што на локалните власти им даваа овластување да ги стават во карантин пациентите и нивните блиски контакти и да ги заклучат погодените региони.
Болестите од категоријата А во Кина вклучуваат бубонска чума и колера, додека САРС, СИДА и антракс спаѓаат во категоријата Б. Болестите во категоријата Ц вклучуваат, на пример, грип.
Заразните болести како Ковид-19 се класифицирани во класата А или класата Б, но се третираат како класа А.
Повеќе од 95 отсто од случаите во Кина се асимптоматски и благи, а стапката на смртност е многу ниска. Во такви околности, придржувањето кон управување со заразата како класа А не е во согласност со науката, соопшти „Јикаи“ доцна синоќа, цитирајќи неименуван експерт за заразни болести.
Кинески експерт за „Јикаи“ наведе дека Ковид-19 би можел да се намали до категоријата Б, па дури и до категоријата Ц.
Секое прилагодување на управувањето со заразните болести направено од Националната здравствена комисија, највисокиот здравствен орган во Кина, бара одобрение од Државниот совет или владиниот кабинет.
Вицепремиерката Сун Чунлан минатата недела кажа дека Кина се соочува со „нова ситуација“ бидејќи патогеноста на подваријантата омикрон слабее, станувајќи прв висок владин функционер која јавно призна дека способноста на новиот коронавирус да предизвикува болест е намалена.
Од нејзината најава, многу големи градови почнаа да ги укинуваат карантините од големи размери, да го намалуваат редовното ПЦР тестирање и да го завршат скринингот за негативни ПЦР резултати на јавни места како станиците на метрото и парковите на отворено.
Извор: МИА