Кинеската војска изврши воени вежби и тестови на оружје во северисточното Бохајско Море во близина на Корејскиот Полуостров, соопшти денеска Министерството за одбрана на Кина.
Во соопштението се наведува дека тестовите на новите ракети и оружје ги спровела Ракетната единица на Народно-ослободителната армија изминатите денови и нивната цел е подигнување на оперативната способност со цел ефиканско да се соочи со заканите за националната безбедност.
Иако ниту една земја нема суверенитет на фреквентното Бохајско Море, вежбите се одржаа во момент на зголемени тензии на Корејскиот Полуостров.