Кинеската армија соопшти дека ги завршила задачите околу Тајван, но и оти продолжува со патроли

Од:

Армијата на Народна Република Кина денеска соопшти дека ги исполнила предвидените „различни задачи“ околу Тајван, но оти ќе продолжи со секојдневни патроли.

dobivaj vesti na viber

Тоа се смета како сигнал за можно завршување на големите воени маневери што Пекинг ги покрена веднаш по посетата на претседателката на Претставничкиот дом на американскиот Конгрес Ненси Пелоси на Тајван, кој Кина го смета за своја територија.

Воените вежби околу Тајван вклучуваа тестирање балистички ракети од кои неколку го надлетаа главниот град Тајпеј, како и симулација на воздушни напади и поморски десанти.

Кинеската армија во кусото соопштение соопшти дека во операциите околу Тајван „успешно ги се завршени сите задачи и ефикасно се тестирани интегрираните борбени капацитети“.

Притоа во соопштението се додава дека армијата „ќе ги следи промените на ситуацијата во Тајванскиот теснец, ќе продолжи со обуката и подготовките за бораба, ќе организира регуларни патроли во мореузот и одлучно ќе ги брани националниот суверенитет и територијален интегритет“.

Кинеската морнарица и попладнево беше активна во централниот дел на Тајванскиот теснец, што го надлетуваа и борбени авиони.

Тајванското Министерство за одбрана соопшти дека средишната линија меѓу двете држави денеска ја прелетале 17 кинески воени авиони.

Извор: МИА

Би можело да ве интересира

Руски и кинески бродови забележани во близина на Алјаска

Кина: Прашањето за Тајван е внатрешна кинеска работа, САД да не се мешаат

По 17 дена потрага по земјотресот, најдено живо лице во Кина

Ана Ололовска

Во централна Кина црвен аларм поради недостиг на вода

Ана Ололовска

Си Џинпинг: Кинеската војска се подготвува за борба

А1он

Кина: Нашиот став е јасен

А1он