Идниот месец кинеската армија ќе одржи вежби на нов тип воени единици, што користат дигитални технологии за акција, објавија Фигаро и Индепендент.
Тоа ќе се случи во време на маневри во кои ќе учествуваат специјални сили и авијацијата. За време на маневрите кои Индепендент ги нарече дигитални воени вежби, најверојатно ќе се симулира нарушување на комуникациски мрежи и на командните и контролни мрежи.
Вежбите ќе бидат во воена база во автономниот регион Внатрешна Монголија. Планирани се за втората половина од јуни. Весниците наведуваат дека вежбите се случуваат во момент кога за се повеќе хакерски напади е обвинета Кина.