Кина не учествува во управувањето и функционирањето на Панамскиот канал и никогаш не се мешала во овие работи, изјави денеска портпаролот на кинеското Министерство за надворешни работи Мао Нинг. Тој додаде дека Кина постојано го почитува суверенитетот на Панама над Каналот и ја признава како трајно неутрален меѓународен воден пат, објави Ксинхуа.
Ова го изјави портпаролот на кинеското министерство како одговор на изјавата на американскиот претседател Доналд Трамп за „повторно преземање“ на Панамскиот канал, пренесе агенцијата.
Во понеделникот, додека го одржуваше своето инаугуративно обраќање во централната сала на американскиот Конгрес, Трамп ја повтори својата намера да го „врати“ Панамскиот канал.
Тој исто така тврдеше дека „Кина го контролира Панамскиот канал“.