Севернокорејскиот лидер, Ким Џонг Ун ја предупреди Јужна Кореја дека ќе зажали, доколку ја наруши спорната поморска граница помеѓу двете држави, пренесуваат медиумите.
-Водите во југозападниот дел од државата се изложени на чести закани поради неколкумина непријатели -изјави тој во тек на воените вежби, во кои учествуваа војници, артилериско оружје од различен калибар, воени бродови и подморници, бомбардери и транспортни авиони.
Како што пренесе „Франс прес“ симулираниот напад бил насочен кон пет острови, кои се под контрола на Јужна Кореја, а се наоѓаат во близина на југозападниот дел на Северна Кореја.
Сеул претпоствува дека овие острови би биле прва мета на Северна Кореја, во случај на воружен судир.
Е. Г.