Американскиот државен секретар Џон Кери ги известил сириските власти дека САД и нивните сојузници имаат намера да нападнат позиции на Исламска држава во Сирија. Писмото е доставено до Дамаск со посредство на Багдад неколку часа пред да почнат нападите.
Сириските власти кои претходно предупредуваа дека за какви било напади потребно е одобрување од Дамаск, не осудија напади што САД денеска ги извршија со неколку залливски држави и Јордан, против Исламска држава и милитантни активисти од ограноци на ал-Каеда.
Во владино соопштение се вели дека сириското МНР тврди оти добило писмо од Кери преку ирачкиот минстер за надворешни работи и оти Дамаск ветил продолжување на борбата против Исламска држава, група која зазеде големи делови од северна и источна Сирија. Сириската Влада исто така укажува на можност Ирак да посредува во индиректен контакт меѓу Дамаск и Вашингтон.
Русија ги критикуваше нападите на САД и оцени дека не смееле да бидат извршени без согласност на Дамаск.