Рускиот амбасадор во Велика Британија, Андреј Келин, денес изјави дека агресијата на САД и Израел врз Иран е делумно резултат на политиката на Лондон.
– Всушност, трагичните настани во Иран и низ целиот регион се делумно резултат на политиката на Лондон, која им одеше во прилог на антииранските јастреби во Вашингтон и придонесе за пропаѓање на нуклеарниот договор со Иран од 2015 година (JCPOA), рече Келин, пренесува РИА Новости.
Тој привлече внимание на она што го нарече цинизам на Лондон, кој ги критикува иранските одмазднички напади без да ги осуди воените злосторства против иранското население.
„Конфликтот на Блискиот Исток уште еднаш го разоткри цинизмот на Лондон. Британската влада се преправа дека не забележува кој го започнал конфликтот и кој ја извршил агресијата. Тие го критикуваат Иран за контранапади, како тој да ги започнал. Во меѓувреме, тие замижуваат пред воените злосторства против иранските цивили, вклучително и убиствата на малолетници“, нагласи Келин.
