Католичката надбискупија на Рио де Женеиро бара седум милиони евра отштета од италијанската национална телевизија РАИ поради „богохулна“ реклама со симболот на градот – статуата на Христос Спасителот, соопшти денеска римската адвокатска комора.
Во видео клипот статуата е „облечена“ со помош на компјутерска графика во сина маица со натпис „Италија“, која е традицонален дрес за сите национални репрезентации на „азурите“.
Надбискупијата на Рио де Женеиро смета дека рекламата е акт на богохулење и сквернавење на верниците и побарала отштета по судски пат, и покрај тоа што РАИ се извини и го запре емитувањето на видеото.
Надбискупијата ги поседува правата за користење на статуата со трговски цели. Само во последните месеци таа одбила понуди на фирма за спортска опрема, на брзилските пошти и на британски букмејкер, кои за солидни суми сакале да ја „облечат“ статуата во нивните логоа.
За разлика од нив италијанската национална телевизија дури не ни побара дозвола.