Лидерот на кубанската револуција и долгогодишен шеф на државата, Фидел Кастро оцени дека главна грешка на САД и Европа е тоа што ги потценуваат граѓаните на Русија.
-Најголема грешка на САД и Европа е тоа што ги потценуваат руските граѓани, кои својата татковина во тек на Втората светска војна ја бранеле како Спартанци-наведе Кастро.
Истакнувајќи дека на политичката карта на светот се појавиле „нови и неизбежни сили“, поранешниот лидер на Куба рече дека Бразил, Русија, Индија, Кина и Јужна Африка со нивните врски со Латинска Америка, поголем број од државите во Карипскиот басен и Африка, претставуваат „сила“, која е способна да соработува со останатите држави, меѓу кои САД, државите од Европа и Јапонија.
Во врска со уривањето на малезискиот патнички авион, Кастро наведе дека рускиот претседател Владимир Путин, министерот за надворешни работи Сергеј Лавров и останатите функционери во руската влада никогаш не би направиле таква глупост.
Е. Г.