Канада објави дека ќе обезбеди девет милиони долари за помош на жртвите на сексуално насилство и кршење на човековите права извршени од припадници на екстремистичката група Исламска држава.
Канадскиот министер за надворешни работи Џон Берд пред Парламентот изјави дека за време на летото околу 150 жени и девојки, во најголем дел христијани и припадници на јазеиди, се испратени во Сирија како награда на борците на ИД или се продадени како сексуални робинки.
Половина од парите ќе бидат насочени за отворање истрага за силувања и кршење на човековите права, а останатиот дел за превенција на сексуално насилство.