Канадските власти објавија дека ќе обезбедат 23,5 милиони канадски долари за истражување и изработување вакцина за лекување ебола.
– Средствата ќе помогнат за организирање и извршување клинички анализи на вакцина против ебола и за создавање залихи од вакцината, изјави министерката за здравство Рона Амброуз.
Канада во петокот одлучи да запре со издавање визи за луѓе oд трите најпогодени држави од ебола во Западна Африка – Сиера Леоне, Гвинеја, Либерија. Во Канада нема засега случаи на инфицирани лица со ебола. Канада даде лиценца на калифорниска фармацевтска компанија за производство на лекот ЗМап што се користеше ова лето за лекување двајца американски здравствени работника.