Некои во Израел сакаат да се приклучат на конфликтот меѓу Вашингтон и Техеран и да ги обноват нападите врз Иран, но чекаат одобрение од американскиот претседател Доналд Трамп, објави израелскиот јавен сервис Кан.
Во извештајот, во кој не е наведен изворот на информациите, се тврди дека официјални лица во Ерусалим проценуваат дека меѓусебните напади меѓу САД и Иран ќе продолжат во следните неколку дена.
Кан, исто така, потсетува дека „Њујорк пост“ објави, повикувајќи се на израелски извори, дека Израел е подготвен да се придружи на идните американски напади врз Иран доколку биде побарано од него.