Камион удри во патнички авион „Боинг“ 787-9 на „Сауди Арабиан ерлајнс“ на аеродромот Хитроу правејќи дупка во авионот и предизвикувајќи долги одложувања, објавува „Мирор“.
Возачот ја изгубил контролата врз камионот, кој удри во авионот откако ги „измеша“ сопирачката и гаста. Ова се случи само неколку минути откако патниците на летот SVA105 од Меѓународниот аеродром „Крал Абдулазиз“ во Џеда, Саудиска Арабија, се истоварија на Терминал 4 на лондонскиот аеродром.
Ракувачите со багаж на местото на настанот опишаа како возачот ги помешал педалите на камионот и ја предизвикал штетата.
Авион нема да може да лета подолго време бидејќи мора да се заменат делови за да лета безбедно, објаснија од компанијата.