Седум француски туристи, вклучувајќи и четири деца киднапирани се денес во северен Камерун, на границата со Нигерија.
Веста ја потврди и францускиот претседател Франсоа Оланд, кој денес се наоѓа во Атина.
Извор од француската амбасада рече дека наоружани луѓе, кои се претпоставува дека биле на мотори, киднапирале седум француски туристи во камерунската област, Даданга.
Туристите според првичните информации се враќале од резерватот Ваза.
-Станува збор за три возрасни лица и четири деца, рече извор од камерунската полиција и додаде дека полицијата е во потрага по киднаперите, долж границата со Нигерија.
Еден извор од резерватот Ваза истакна дека туристите вчера го посетиле резерватот, преноќиле во туристичкиот центар, а изутрината си заминале.
Ова е прво киднапирање на западни туристи во Камерун.
Францускиот претседател Оланд потврди дека „позната“ терористичка група од Нигерија киднапирала седум Французи.
-Најверојатно е дека тие се одведени во Нигерија. Правиме се што можеме да не бидат задржани таму – рече Оланд.
Во декември 2012 година францускиот инженер Франсоа Колон беше киднапиран во Нигерија.
За неговата киднапираност одговорност презеде нигериската исламистичка група Ансару.