Во Камбоџа денеска се затворени сите детски градинки и основни училишта со цел да се спречи ширењето на смртоносниот вирус, кој предизвикува тешка форма на заболување на рацете, стапалата и устата.
Од болеста предизвикана од овој вирус од април, па досега во Камбоџа починаа најмалку 54 деца, од кои најголемиот дел на возраст до три години. Според податоците на Светската здравствена организација (СЗО), во споменатиот период од болеста во оваа држава во југоисточна Азија заболеле вкупно 61 дете.
СЗО минатата недела соопшти дека испитаните примероци од починатите деца покажале дека тие биле инфицирани со ентеровирусот 71, кој предизвикува смртоносна форма на заболување на рацете, стапалата и устата и кој релативно често се јавуваат во Азија.
Орагизацијата предупреди дека лекувањето со стероиди се покажало како погрешно, затоа што само се влошила состојбата на пациентите кои страдаат од висока температура и респираторни проблеми.
Минатата неделе тајландските власт затворија 22 училиштеа во Бангкок, како мерка за спречување на ширењето на оовј вирус, но од денеска сите, освен три, се повотрно отворени.
Болеста на рацете, стапалата и устата е заразна и се пренесува директно со контакт со заболените или со доаѓање во допир со негова телесна течност или столицата. Експертите истакнуваат дека оддржувањето на хигиена е најдобра заштита од оваа болест.