Eвропската Унија ќе поддржи секој мировен предлог за Украина што ќе донесе „фер и праведен мир“ и ќе биде договорен со Киев и Брисел, изјави денес високата претставничка на ЕУ за надворешни работи и безбедносна политика, Каја Калас, објави Ројтерс.
„Во врска со мировниот план што, како што го разбираме е презентиран на претседателот Володимир Зеленски, секогаш нагласувавме дека секој предлог мора да биде договорен со Украина и со Европејците“, рече Калас.
Таа оцени дека руската страна веќе би прифатила безусловно примирје кое, како што изјави, „е на маса од март оваа година“ ако „навистина сака мир“.
– Поминаа четири години од почетокот на бруталната агресија на Русија врз Украина, без никакви реални знаци дека Москва се стреми кон мир, додаде Калас.
