Чеченскиот лидер Рамзан Кадиров смета дека папата Франциск станал жртва на странска медиумска пропаганда, поради што зборувал за „суровоста“ на Бурјатите и Чеченците.
„Како можете да одредите дали непријателот на бојното поле е весел, мрачен, сентиментален или суров? И како со голо око да ја одредите националноста на руски војник во консолидиран одред, ако во нашата земја живеат повеќе од 190 народи? Шефот на Ватикан не може да одговори на тоа, тој едноставно стана жртва на пропагандата и упорноста на странските медиуми“, напиша Кадиров на својот канал Телеграм.
Во интервју за американските медиуми, Папата ги нарече Чеченците и Бурјатите „најсуров дел од руските трупи во Украина“.