Израел Кац, израелскиот министер за одбрана, изјави дека премиерот Бенјамин Нетанјаху ѝ наредил на војската да „ги зголеми нападите врз стратешките цели“ во Иран откако Техеран утрово го започна најновиот бран напади со балистички ракети врз градови низ Израел.
– Кукавичкиот ирански диктатор седи длабоко во утврден бункер и намерно напаѓа болници и станбени згради во Израел – рече Кац, осврнувајќи се на ајатолахот Али Хамнеи, врховниот лидер на Иран.
Тој рече дека ова се „најсериозните форми на воени злосторства“.
– И Хамнеи ќе биде одговорен за овие злосторства – рече израелскиот министер за одбрана.