Јужноамериканските држави бараат праведна распределба на вакцините против Ковид-19

Од:

Шест лидери на Јужна Америка и Карибите побараа од меѓународната заедница еднаква достапност на вакцини против Ковид-19, повикувајќи ги земјите што имаат најмногу дози да споделат со другите.

„Упатуваме силен повик до земјите кои имаат вишок дози и оние кои вакцинирале ризични групи да преземат чекори за распределување на тој вишок праведно и што е можно поскоро“, се вели во заедничкото соопштение издадено од претседателот на Костарика Карлос Алварадо.

Покрај тоа, повикот го потпишаа и аргентинскиот претседател Алберто Фернандез, мексиканскиот Андрес Мануел Лопез Обрадор, премиерот на Јамајка Ендру Мајкл Холнес, боливискиот претседател Луис Алберто Арсе Катакора, еквадорскиот Гуљермо Ласо Мендоза и уругвајскиот, Луис Алберто Лакале Поу.

Од потрошените 1,3 милијарди дози ширум светот, повеќе од половина биле потрошени во пет земји кои учествуваат со 50 проценти од светскиот БДП, покажуваат официјалните податоци.

„Никој нема да биде безбеден се додека не бидеме сите безбедни. Ќе биде можно да се запре пандемијата само кога вакцината ќе допре до ранливите популации ширум светот”, нагласуваат и додадваат дека – „земјите со ниски примања примиле само 0,3 проценти од светските дози “.

Појавата на „нови, поопасни верзии на вирусот предизвикани од Ковид-19 покажува дека изолираната вакцинација, во некои земји, не е ефикасна стратегија за излез од акутната фаза на пандемија“, додаваат тие.

Би можело да ве интересира

Пандемијата на коронавирусот ќе има долгорочно влијание на менталното здравје

Северна и Јужна Америка се соочуваат со пандемија на невакцинирани

Катерина Павлова-Николовска

Кина одбива да учествува во втората фаза од истрагата за потеклото на коронавирусот

Вакцинираните добиваат привилегии, во голем дел од светот се враќаат рестрикциите

Имунолозите изолираа антитело кое реагира на делта сојот

Делта сојот е проширен во 111 земји, три милиони нови случаи на коронавирус за една недела

Катерина Павлова-Николовска