Јужна Кореја и САД денеска ги почнаа годишните воени вежби и покрај заканите од Северна Кореја која се заканува дека може да извржи нуклеарен напад како одговор на вежбите кои ги смета како подготовка за инвазија.
Во соопштението што го објави Северна Кореја, се наведува дека Сеул и Вашингтон ќе ги претвори во „куп пепел“ ако покажат знаци на агресија кон Пјонгјанг, пренесоа француските медиуми.
Вежбите, што ќе траат две недели, во голема мера се компјутерски симулирани, а во нив се вклучени околу 50.000 јужнокорејски и 25.000 американски војници, наведуваат француските медиуми.
Јужнокорејското Министерство за обединување изрази „големо жалење“ за предупредувањето од нивниот северен сосед, наведувајќи дека вежбите со американските војници се од одбранбен карактер.