Претседателот на Европската комисија, Жан Клод Јункер, изјави дека САД под водството на Доналд Трамп изненадувачки брутално отстапуваат од мултилатералните односи и пријателската соработка.
По одлуката на Трамп за повлекување од иранскиот нуклеарен договор, Јункер рече дека САД повеќе не сакаат да соработуваат со другите делови од светот, па затоа е време ЕУ да го преземе водството.
„Во моментот мора да ги замениме САД, кои како меѓународен актер ја изгубија силата, а поради тоа и нивното долгорочно влијание“, рече Јункер.
Вчера, американскиот претседател соопшти дека САД се повлекуваат од нуклеарниот договор со Иран и дека повторно ќе воведуваат санкции од највисок степен.