Претседателот на Јемен, Абд Рабо Мансур Хади денеска го одби мировниот предлог што му го достави посредникот на ОН, Исмаил Улд Шеик Ахмад, соопшти извор од јеменското претседателство.
– Хади го прими Ахмад и одби да го прифати предлогот на ОН, изјави истиот извор.
Содржината на мировниот план, кој посредникот на ОН им го претстави на бунтовниците во вторникот, не е објавена во јавноста, но според разузнувачките извори тој вклучува и заминување на Хади од власта.