Јапонските власти наредија на двете водечки јапонски авиокомпании „Јапан ерлајнс“ и Еј-Ен-Еј да извршат итна проверка на техничката состојба на авионите 787, кои се дел од нивните флоти.
Двете компании заедно моментално имаат вкупно 24 авиони, но планираат нивниот број да го зголемат на околу 51 авион.
Барањето за итна проверка на авионите доаѓа по двата инциденти со јапонски Боинг 787 на аеродромот во Бостон. Првиот инцидент беше пожар, што настанал од акомулаторот на машината, а вториот поради истекување на гориво на патеката.