Над 90 летови се откажани денеска на јапонскиот остров Окинава поради приближувањето на моќниот тајфун „Дујуан“, јавуваат локалните медиуми, пренесува ДПА.
Околу 300 жители се евакуирани од своите домови на островите Јонагуни и Ишигаки, а над 100 домаќинства се без електрична енергија.
Брзината на ветерот во центарот на тајфунот достигнува до 70 метри во секунда. Тој се движи се брзина од 20 километри на час кон северозапад во насока на Тајван, по што се очекува да стигне до бреговите на Кина.
Тајванските власти објавија предупредување за опасност од поплави во крајбрежните региони.