Новиот јапонски премиер Шинзо Абе денеска изјави дека нема да преговара со Кина за спорните острови во Источно Кинеско Море.
Јапонија тврди дека кинески бродови и авиони често навлегуваат во јапонските територијални води и воздушен простор.
Тензиите меѓу Токио и Пекинг се зголемија откако јапонската Влада во септември минатата година купи три острови од приватен сопственик. Спорните острови во Јапонија се познати како Сенкаку, а во Кина – Диаоју.
Абе, чија конзервативна Либерално демократска партија се врати на власт по убедливата победа на изборите минатиот месец, вети цврст став на Владата за територијалниот спор со Кина.