Компанијата Јаху води истрага во врска со информацијата за нарушување на безбедноста, што може да им наштети на електронските пошти и пораки на околу половина милион корисници.
Компанијата не соопштува колку е голема штетата и како тоа се случило.
Технолошките новински веб сајтови CNET, Ars Technica и Mashable соопштија дека хакери, познати како D33D Company, ја преземале одговорноста за нападот и дека информацијата, која била објавена на интернет страницата на групата, содржи над 453.000 кориснички имиња и пораки од непознат поддомеин на Јаху.
D33D Company соопшти дека ги украла пораките преку операцијата Ес Ку Ел (SQL).
– Се надеваме дека оние кои се одговорни за безбедноста на овој поддомеин ќе го прифатат ова како предупредувачки знак, се наведува во соопштението на групата.