Извршниот совет на Организацијата за забрана на хемиското оружје (ОЗХО) одобри патоказ за уништување на сирискиот арсенал, соопшти порпаролот на Организацијата во Хаг, Мајкл Лухан, пренесоа француските медиуми.
-По малата преправка во документот, во последен момент, Извршнот совет на ОЗХО се собра на седница и во 00,38 часот (22,38 часот по Гринич) усвои одлука за забрзана програма за уништување на сириското хемиско оружје, изјави Лухан пред зградата на Организацијата во Хаг.
Малата исправка во документот била направена во последен момент, но оваа модификација не ги зафаќа фиксираните датуми и рокови, вклучувајќи го и рокот за целосно уништување на хемискиот арсенал – до средината на 2014 година.
-Очекуваме веќе следната недела да имаме екипа на терен во Сирија, рече портпаролот Лухан.