Извор од израелските сили за безбедност потврди денеска дека израелски војници извршиле напад во Сирија, во кој беа убиени петмина припадници на либанското шиитско движење Хезболах.
Израелската војска одби да го коментира воздушниот напад, нанесен од хеликоптер во сириската провинција Кунеитра, во близина на окупираната од Израел Голанска висорамнина.
Во нападот бил убиен командант на Хезболах и синот на поранешниот воен лидер на Хезболах Имад Мугние Џихад. Изворот, кој побарал анонимност, изјавил дека израелски хеликоптер го извршил нападот.
Израелските медиуми соопштија дека убиените мажи планирале да нападнат или преземат градови во Северен Израел.