Израелската армија (ИДФ) соопшти дека нејзините трупи кои дејствуваат во северниот дел на Појасот Газа лоцирале десетици ракети скриени под кутиите означени со УНРВА, како и друго оружје на Хамас.
Припадниците на резервниот баталјон 7007 пребарувале станбена зграда во областа кога пронашле соба со голем број кутии со логото на UNRWA – Агенцијата на Обединетите нации за помош и работа за палестинските бегалци на Блискиот Исток.
Според ИДФ, под кутиите биле пронајдени десетици ракети, минофрлачи и други експлозиви.
– Одделно, војниците на 414-та единица за собирање борбено разузнавање кои оперираат во куќа во северна Газа пронашле гранати, делови од оружје и друга воена опрема во спалната соба, тврди ИДФ.