Израелските вооружени сили (ИДФ) денеска објавија дека ја завршиле операцијата во Кан Јунис и дека нивната 98-ма дивизија се повлече од областа во Газа по операцијата што траеше нешто повеќе од една недела.
Според „Тајмс оф Израел“, членовите на таа дивизија убиле повеќе од 150 оперативци на палестинската милитантна група Хамас, уништиле тунели и други локации што ги користел Хамас, а за време на операцијата извлекле тела на пет заложници.
ИДФ објави и дека командантот на Хамас задолжен за противтенковска одбрана во баталјонот Нусејрат бил убиен во напад со дрон.