Израелските одбранбени сили (ИДФ) денес објавија дека започнале нов бран воздушни напади врз цели на палестинското милитантно движење Хамас во јужниот дел на Појасот Газа, како одговор на нападот врз израелските трупи во близина на Рафа.
Воен извор изјави дека една од целите бил систем од тунели што Хамас претходно го користел за држење израелски заложници, објави „Тајмс оф Израел“.
ИДФ и израелските претставници објавија дека ќе одговорат на нападот на оперативците на Хамас врз израелските војници во областа Рафа утрово, што војската го нарече „јасно кршење“ на прекинот на огнот.