Израелските одбранбени сили (ИДФ) денес објавија дека уништиле тунел на Хезболах, кој се протега десетици метри во селото Сребин во јужен Либан.
Израелската војска соопшти дека војниците од 300-та регионална бригада Барам и елитната единица за борбено инженерство Јахалом спровеле „целна активност“ во Сребин, за време на која силите го уништиле тунелот, објави „Тајмс оф Израел“.
– Подземниот пат го користела терористичката организација Хезболах за напредување и спроведување терористички заговори против нашите сили, се вели во соопштението на ИДФ објавено на X.
Додадено е дека на други места во јужен Либан, војниците од бригадата Кфир откриле и уништиле складиште за оружје кое вклучувало ракети и лансери на Хезболах.
Дополнително, силите на 4-та бригада лоцирале десетици оружја од различни видови, вклучувајќи оружје од типот Калашников, противтенковски ракети и дополнителна борбена опрема.