Израелскиот Ynet пишува, повикувајќи се на официјални лица, дека по нападот на САД врз нуклеарните постројки, Тел Авив сега е подготвен да го заврши конфликтот со Иран, но дека конечната одлука е на иранскиот лидер, ајатолахот Али Хамнеи.
„Ако утре Хамнеи го запре пукањето и каже дека сака да оди кон крајот – ние ќе го прифатиме тоа“, изјавил функционерот за Ynet.
За разлика од официјалните лица цитирани од New York Times, кои рекле дека е можно Иран да отстранил поголем дел од ураниумот и опремата од нападнатите постројки, извори за Ynet изјавиле дека проценката е дека најмалку 80-90 проценти се уништени и дека нуклеарната програма на Иран е назадена за десет години.
„Ја подготвивме јавноста за долгорочна кампања. Не зависи од нас, туку од Иранците. Ако Иранците започнат војна на исцрпување со нас, тоа е долгорочна кампања и сè уште има време, но тоа не е она што го сакаме, сакаме да го затвориме настанот во блиска иднина, оваа недела, а ако тоа се случи, зависи од Хамнеи. Ако тој пука без престан, ќе мора да одговориме на тоа, нема да можеме да го апсорбираме. Наш интерес е да не го продолжуваме ова“, рече изворот.
Исто така, истиот функционер изјави за Ynet дека соборувањето на владата во Иран не била целта на израелската кампања.