Израелскиот министер за економија Арие Дери денеска поднесе оставка, со што му се отвори патот на премиерот Бенјамин Нетанјаху да ја заобиколи одлуката на израелскиот антимонополски комесар и да продолжи со реализација на спорната зделка за природен гас.
Израел откри две големи наоѓалишта во 2009 и 2010 година, но нивната експлоатација се покажа како покомплицирана од очекуваното поради споровите за цените, извозната политика и поделбата на профитот со енергетските компании, кои работат на наоѓалиштата.
Критичарите го обвинија Нетанјаху дека попушта пред монопол на сметка на израелската државна каса.
Дери одби да ја укине одлуката на антимонополскиот комесар.