Неименуван израелски безбедносен извор, цитиран од саудиската државна телевизија Ал-Хадат, тврди дека врховниот верски водач на Иран, ајатолахот Моџтаба Хамнеи, „не е во Иран“.
Моџтаба Хамнеи, кој беше назначен за врховен верски водач на Иран кратко откако неговиот татко беше убиен во нападите меѓу САД и Израел на 28 февруари, оттогаш комуницира исклучиво преку писмени изјави и не се појави во јавноста.
Неименуван извор изјави за Ал-Хадат дека пораките на Хамнеи ги пишува новиот командант на Иранската револуционерна гарда (ИРГЦ), Ахмад Вахиди, како и други членови на организацијата.
– Внатрешните поделби во Иран се длабоки и го загрозуваат опстанокот на ИРГЦ, изјави неименуван израелски извор за саудиската телевизија, додавајќи дека САД не сакаат Израел да учествува во напади врз Иран, дури и ако Техеран директно ја нападне еврејската држава, објавува „Тајмс оф Израел“.
